Mas simple. Mas kaya.

Yes. It is rainy season once again at nagsimula na ang countdown ng Christmas. At madalas sa madalas, may malakas na bagyong tatama sa perlas ng silanganan bago magsimula ang kapaskuhan. Dati, si Ondoy ang nanalanta. Mahinang buhos ng ulan pero marami na pala iyon. Ngayon naman, si Pedring ang nagyayabang. Oo puro yabang dahil napakahangin. Hindi nga ganun kadami ang dalang ulan pero lintik naman humagupit. Sa bawat pagsbubok ay may aral na iniiwan. Sa bawat bagyo ay naghihintay ang magandang sikat ng araw sa susunod na araw. Anu ano ang naisip ko kung bakit ako nagsulat bigla Dalawa lang. At ang mga ito ay ang mga sumusunod:

1. Isa lang ang pinanggalingan ni Ondoy at Pedring – ang tao.

            Seryoso ba ako sa naisip ko? Oo. Nakatira ako sa Marilao, Bulacan. Subukan ninyonghanapin kung nasaan ang ilog naming baka hindi ninyo na makita dahil malamang sa malamang ay aakalain ninyo na itong isang tambakan ng basura. Noong dumating si Ondoy umapaw ito at ibinalik lahat sa tao ang mga plastic at iba pang basurang itinapon dito. Nagmistulang piyesta sa lahat ng aking madaanan. Nakasabit ang mga supot sa mga bakuran.

     Bukod sa aking tinuran, marami pang mga bagay na ginagawa ang tao na nakakaapekto sa ating kalikasan. Ang simpleng pagsindi ng sigarilyo, ang hindi pagtanggal sa saksakan ng kuryente kung hindi ginagamit at pagsusunog ng tuyong dahon sa ating bakuran ay nakakaapekto na sa ating kalikasan.

   Kaya itanong mo sa sarili mo kung ang mga simpleng bagay ay nagagawa mo upang hindi na makadagdag pa sa parusang natatanggap ng kalikasan. Hindi natin kailangang maging henyo para makabawas sa polusyon o makaisip ng solusyon. Mas simple mas maganda dahil mas kaya.

2. Maging patas sa lahat ng bagay.

           Kakaiba? Hindi kaugnay sa kalikasan? Oo pareho ang sagot ko. Bakit kasali? Simple lang.                 Tayong mga Pinoy ay kilala sa bayanihan sa oras ng pangangailangan lalo na sa sakuna. Masakit                 mang isipin, sa tuwing may sakuna lamang tayo nagdadamayan. Sa araw araw may mga taong                 may mga pangunahing pangangailan na wala sila tulad ng masisilungan, tubig at pagkain. Ilan                 lamang yan sa mga pagkukulang na dapat matugunan hindi lamang ng gobyerno pero ng buong                 bansa.

       Anong dapat gawin? Makiisa. Isipin mo kung anong prinsipyo mo sa buhay. Panindigan.                Maghanap ng grupo ng may kaparehong prinsipyo at lumahok sa mga gawain nito. Hindi laging                 pera ang sagot sa lahat. Minsan, mas nakakapagpagulo pa ang pera sa mga bagay bagay kung                 hindi nagagamit sa magandang bagay. Mas simple mas maganda dahil mas kaya.

                Hindi ko ito isinulat para lang mangaral. Isinulat ko ito upang ibahagi ang aking naiisip at pananaw sa buhay at mga nangyayari sa kasalukuyan. Hindi ko alam kung madali nga bang gawin ang naiisip ko. Pero ito lang ang sigurado ako. Mas simple mas maganda dahil mas kaya. Tayo pa!